Kurai Taji Balai Sinayan
Urang tuo manggaleh lado,
Capek kaki ringan tangan,
Namun salero lapeh juo.
Marapati di ateh paran
Sabalun mati indak ka jaran
Cindawan Tiuang tumbuah di Pagu
Nan Gadang Iduang lalok jo Ibu
Didin badidin rang bagurau
Nan ketek maelo kalambu
Si Udin indak kasurau
Itu dek masih manyusu
dek sero makan jo cancang
ndak sadar rumah kanai maliang
mangalah duduak di ateh pancang
beko sarupo jo ayam guliang
tangkok di tangkok anak lambau
bungkuih dibao ka sungai dareh
disangko maracak pungguang kabau
ruponyo nilva mamaguik karuang bareh
tangah malam urang basaluang
basuluah di ateh rumpuik
ambiek salumuik lalok bagaluang
bulieh bakaruah usah takantuik
lapeh arak sasudah makan
kontak diputa masin diengkol
baduo naiek onda astrea
kandak nan alah dipaketkan
basaba manunggu kiriman jengkol
pak pos sadang manuju austria
rami anak sikolah di nagari pauah
rami manunggu taufik kiemas
basaba sanak nan di rantau jauah
patai nan sadang kito kemas
rang gadih ka tapi pantai
ka pantai mambasuah kaki
coitu bana lamaknyo patai
nasi dimakan nan jo baki
ondee mandee..baun jariang mukasuiknyo?
juluak jo galah buah kuini
buah tomaik di ateh lantai
dimanolah posisi uni kini?
tulihlah alamaik kiriman patai
usahlah sanak ka kandang kudo
beko kanai sipak duo jo tigo
klu sanak indak picayo
maronggoklah dakek ikua kudo
kini WC baunnyo ariang
“batapa” sajo ka tapi pantai
bulieh nak ilang baunnyo jariang
sanak makan sajo uwok patai
kabek ayam di ateh lantai
ayam di kabek jo basi rantai
iyo sero makan di pantai
sambalado jo uwok patai
di ateh paga ayam bajejer
bakukuak tando ari ka siang
lamak bana rasonyo burger
alun sa lamak gulai jariang
Kapa basauah di tapi karang
Sampan didayuang di tangah malam
Padia lah jauah di nagari urang
Ndak ilang salero jo karak maitam
Rang taratak pambuek kapa
Mamakai pancang kayu kamper
Lah sajak tingga di eropa
Tantu lah batuka randang jo burger
Sajak barangkek si anak rajo
Pai nyo malapeh si dayang
Sajak mato dek rabun sanjo
Lah tatuka ameh jo loyang
Takan kana forum nan rancak
Tagalak ambo diateh oto
Jan ditanyo manga kok galak
Kito sadonyo ko nana lah boco
paik lidah makan pario
manih salak baincek tungga
mancaliak kalamai raso ka iyo
talamak mangunyah gigi palasu tangga
baruak gilo mamanjek karambia
siamang buruak di dalam rimbo
alah lamo ambo bapikia
alun jo salasai pantun ambo
Jan baulang camin nan hancua..
atak an manah di bawah dapua…
nan ateh namo karo gadang emang ndak bapikia..
manga duduak di tapi sumua…
Bali pasawat bawarna biru
Disemprot airbrush nak nyo balang
Iko pantun sabana lucu
sampai SBY galak tajungkang…
Banang rumin ntuak klayang
layang maco dr kawan
manga manga camin
nan batendang dm mgkn camin kamalawan
iko di ambiak dari pangalaman Pribadi dan Beberapa Sumber Buku sanak, walaupun ambo coiko, jan salah sanak, kok pantun urang awak lai apa dek ambo. heheee
0 comments:
Posting Komentar